葡萄風信子 Muscari sp.

葡萄風信子
Muscari sp.

只要點燃生命之火，便可同享豐盛人生。

花語：憂鬱的愛

聽阿媽話

麥記早餐
你一定係早晨全餐熱奶茶兩包糖
我係熱香餅餐凍奶茶少甜
今日只有熱香餅餐一個

對面一對母子，個仔應該十零廿歲做裝修，食一個熱香餅全餐。
個仔開始食熱香餅時，阿媽不停叫個仔食咗蛋先。
「點解要食咗蛋先？」仔問。
媽無答，只係不斷重覆。最後，個仔都係屈服。

點解要食咗蛋先？點解要食咗蛋先？點解要食咗蛋先？
可能阿媽有佢嘅理據，或者呢個係佢嘅習慣，又或者佢覺得個仔應該鍾意食蛋先。

人就係咁，因為唔敢、唔想煩，所以唔去做心中想做嘅事。
覺得制肘源自他人，萬一失敗就可以諉過於人。
但因此失敗，你甘心嗎？

一路好走

有人過身，聽到／見到「一路好走」四字，感覺都不太好。

雖說「人死如燈滅」，不論耶教佛教都認為逝者將有往生，不應留戀人世。但生者口中說出一路好走，感覺似與逝者割裂，更見悲涼。

放下不等於放棄，用友人引電影《東邪西毒》的一句 ——

「當你不能夠再擁有，你唯一可以做的，就是令自己不要忘記。」

願逝者安息。

執書者言 之一

從小學開始，最不喜歡做三樣功課（雖然其他都唔鍾意），分別係書法、美術及讀書報告／剪報。

頭兩者可見我欠缺藝術天份，不贅；後者則見我不善表達情感。小時候最愛科普及心理學讀物，對囈囈喃喃的小說、文學不感興趣。作者已死，但老師評閱讀書報告／剪報時，心中有既定立場，又有標準答案，哪為何要學生寫感想呢？

人漸成長，不再是無憂無慮的小伙子。面對家庭、工作、愛情等人生洗煉，有感迷失，唯有從書中找尋方向，祈借此平台，一抒己見，結交同好。「甲之熊掌，乙之砒霜」，是故網中文章只是個人感覺，絕不客觀（更不是書評），請看倌見諒。

粵語中「執書」者「執輸（吃虧）」也，更有謂「執輸行頭慘過敗家」。一介書生，老實人一個（粗俗講句就叫「擔屎唔偷食」）。唯以《勸學詩》勉之 —— 

富家不用買良田，書中自有千鍾粟。

安居不用架高堂，書中自有黃金屋。

娶妻莫愁無良媒，書中有女顏如玉。

出門莫愁無人隨，書中車馬多如簇。

男兒欲遂平生志，五更勤向窗前讀。