梅酒

由啤酒、餐酒、威士忌、伏特加、氈酒，韓國農酒、真露，中式燒酒、紹興酒、玉冰燒等，無一不好（唯一係唔識欣賞紅酒）。

一提梅酒，香港人一定會諗到 Choya（因為廣告夠多）。第一次飲時.... 完全接受唔到嗰種好誇張，好似人工合成嘅味道。可能有心理陰影，所以對梅酒一直不感興趣。

直至早兩年友人邀請，呷一口梅酒，始發覺自己錯過太多。

自此之後，又多一個選擇。

飲酒，要有自制力，要酒品好，微醺即止。

君子之飲酒也。受一爵而色洒如也。二爵而言言斯。禮已三爵而油油。以退。退則坐。 

——《禮記・玉藻》

另外，亦有「酒不醉君子」之說。

「酒後亂性」、「酒後吐真言」，只係做出本身想做、講出本身想講嘅事。
酒於偽君子之手，不過係一種工具、藉口矣。