Vagabonding: An Uncommon Guide to the Art of Long-Term World Travel by Rolf Potts

Vagabonding: An Uncommon Guide to the Art of Long-Term World Travel
by Rolf Potts

Vagabond，中文解「流浪漢、浪子、流氓」。書面副題都提到，書中提及係一個長時間（四個月到兩年）的旅行。一般人心中，就係那些不務正業、「廢青」嚮往的生活。

呢本書，其實唔係好推介。原因係內容上好似東拼西湊，將好多不同的資源放到書中。不推介本書，但我推介亦嚮往書中的做法，亦打算去實踐。Vagabond 的理念不只在於旅行、觀光，而係一種生活態度。一提到放下工作、家人，離開自己居住的地方，就會俾人覺得係大逆不道。

許多人都會覺得旅行要用好多錢。無錯，你必須支持到自己的生活。但另一方面，生活係唔係真係需要咁多外物？簡約（Simplicity）係其中一樣Vagabonding 要做到的事。不論人、事、物，根本不需要擁有太多，足夠就可以；而足夠與否，在於自己是否知足；心靈滿足大於物欲的滿足，從未知的世界，認識自己。

正正大多數人都將「旅行」等同「消費」，一般人唔會去一個長時間旅行，更會覺得係一個奢侈的行為，會因嫉妒（或自認為善意）去打擊長時間旅行者的念頭。

自己一直都想放眼世界，但直到遇上你，我一度打消呢個念頭。我知道你喜歡安穩，又有家庭的包袱，所以一直都承諾唔會出國，因為你比我的夢想更重要。

你離開，出國的念頭再次湧上心頭。但今次唔係為自己的工作、事業，而係去反思下生活的意義。Vagabonding 與旅遊不同之處，在於旅程中重新審視自己。

要有呢個打算，第一件事係唔可以咁易俾人左右。之前一直為你打算，也許，我應該開始計劃去尋找失落了的自己。