實驗過程係放一粒棉花糖响受測試嘅對象（3至5歲小朋友）面前，如果小朋友响實驗者離開嘅十五分鐘（或更長時間）偷食，會有多一粒。實驗者跟進呢班小朋友，發現「延遲滿足」嘅小朋友自制力強，大個後嘅考試成績、教育程度、健康等多方面都比較好（但不代表個人成就較好）。
我相信自己都係唔會偷食嘅一類人，由細細個就有呢種性格，真係想改都改唔到。現實中見到其他人「即時滿足」，自己就戇居居咁等，實驗者係唔係真係會返嚟，唔知係唔係真係會多一粒糖，其實有時都幾矛盾，好唔好「袋住先」。
題外話，曾經分別同不只一個好友提起，我要做一個浪子！！！（可見我受幾大打擊....)
但大家都不約而同咁回覆我，「你慳啲喇！」，真係 hurt..... 嗚.....
＊按：同Stanford psychology experiment 一樣咁出名。咦，又係Stanford 嘅？
沒有留言 :
張貼留言